Ukrainasit bombardojnë një “qendër” tjetër komanduese të rusëve, humbin jetën 100 ushtarë dhe 20 pjesëtarë të FSB-së

Evropë

Ukrainasit bombardojnë një “qendër” tjetër komanduese të rusëve, humbin jetën 100 ushtarë dhe 20 pjesëtarë të FSB-së

Më: 18 gusht 2022 Në ora: 15:04
Foto ilustrim

Rusia ka humbur edhe një qendër tjetër komanduese nga një sulm me raketa të realizuar nga ushtria ukrainase në Donbas – duke hedhur në erë një objekt të tërë.

Videoja e filmuar nga qyteti i okupuar ukrainas Lysychansk dhe i postuar në Telegram, shfaq momentin kur raketat ukrainase godasin objektin që shërbente si qendër komanduese e rusëve.

Madje ka pamje edhe pas sulmit ku shihet i tërë objekti i rrafshuar dhe flamuri i shqyer i Rusisë, pas hyrjes së forcave ukrainase në atë rajon.

Serhiy Haidai, guvernator rajonal, tha se ushtria ukrainase ka goditur me raketa qendrën komanduese – që dikur e kishte përdorur për të njëjtin qëllim Shërbimi Sekret i Ukrainës.

 

Kievi pretendon se nga ky sulm raketor, kanë humbur jetën 100 ushtarë rusë – përfshirë 20 pjesëtarë të FSB-së ruse.

Një sulm i ngjashëm mbi një qendër komanduese të rusëve ndodhi një ditë më herët, kur “selia” e ushtrisë private të Vladimir Putinit – Wagner u bombardua nga ukrainasit.

Ishte një fotografi e postuar në rrjetet sociale që i “tradhtoi” pjesëtarët e Wagnerit të presidentit rus. Përmes saj, ukrainasit arritën t’i lokalizojnë dhe më pas t’i bombardojnë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat