“Një vello e zezë mbi Tokë”, NASA publikon pamje të frikshme satelitore nga Ukraina

Evropë

“Një vello e zezë mbi Tokë”, NASA publikon pamje të frikshme satelitore nga Ukraina

Më: 26 nëntor 2022 Në ora: 09:52
NASA publikon pamje të frikshme satelitore nga Ukraina

Ukraina po përpiqet të riparojë dëmet në infrastrukturën e saj energjetike, pas bombardimeve të shumta ruse dhe të rikthejë energjinë për miliona ukrainas.

Sistemi energjetik i Ukrainës është në prag të kolapsit dhe miliona njerëz po vuajnë nga ndërprerja e energjisë elektrike gjatë javë të fundit, ndërkohë që ka edhe probleme serioze me ngrohjen me fillimin e dimrit.

Presidenti ukrainas Volodymyr Zelensky theksoi se strategjia e re e Moskës për të zhytur vendin e tij në errësirë nuk do ta zbehë vendosmërinë e Ukrainës.

🛰️ @NASA 📸 Ukraine before the full-scale war vs after the latest #RussiaIsATerroristState strikes on energy infrastructure. pic.twitter.com/O9iBOpILv7

“Është një luftë fuqie, qëndrueshmërie, qëllimi është të shohim se kush është më i fortë”, tha Zelensky në një intervistë me Financial Times.

Siç shihet nga imazhet satelitore të NASA-s, gjatë natës nga hapësira Ukraina mund të shihet si një vello e zezë në Tokë, në krahasim me periudhën e paraluftës. Në Kiev , shtëpia e tre milionë njerëzve, 60% e banorëve janë pa energji elektrike, tha kryebashkiaku Vitali Klitschko.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat