Kur ende nuk janë shëruar plagët e mëdha të tërmeteve shkatërrimtarë të 6 shkurtit të këtij viti në Turqi e Siri, Anëtari i Akademisë së Shkencave, Prof. Dr. Naci Görür, ka ngritur një tjetër alarm, këtë herë për një cunami të mundshëm në zonën e Antalyas dhe në pjesën e Qipros greke.
Görür ishte pjesë e një paneli të titulluar ‘Antalia, rezistente ndaj tërmeteve’, nga ku bëri thirrje që të merren masat për ndërtimin e vendbanimeve rezistente ndaj tërmeteve, ndërsa vuri theksin edhe te kërcënimi i madh nga prurja e befasishme e ujërave, si pasojë e ndonjë lëkundjeje katastrofike si ato të 6 shkurtit.
Prof. Dr. Görür tha gjithashtu se, disa rajone në Antalia janë të prirura për rrëshqitje dheu.
“Zonat e zhytjes janë defekte që prodhojnë cunami në botë. Antalia mund të ekspozohet ndaj një cunami në çdo kohë. Efekti i cunamit nuk vjen nëse jeni mbi nivelin e detit, por imagjinoni që gjatësia e valës të arrijë 10 metra. Mbulon çdo vend nën 10 metra. Është e nevojshme të merren masa paraprake nga tërmeti dhe të vendosen shenjat e cunamit dhe të tregohet se ku mund të jetë efektiv”.
Ai shtoi se nuk mund të injorohet asnjë e dhënë sa i përket kërcënimeve që vijnë nga fenomenet natyrore dhe të thuhet “është fati”, pa marrë asnjë masë paraprake.
Duke përmendur se ka më shumë se 90 mijë ndërtesa të rrezikshme në zonë, Prof. Dr. Görür tha se në një tërmet të mundshëm i të tillave përmasa si ato të 6 shkurtit, 4 milionë njerëz do të përballen me vdekjen.
