LIVE: Masakër në Moskë/ Vijnë reagimet nga ndërkombëtarët – Ukraina deklarohet që nuk fshihet pas kësaj ngjarje!

Agjencia më e lartë ruse e sigurisë, Shërbimi Federal i Sigurisë tha se të paktën 40 vetë u vranë dhe mbi 100 të tjerë u plagosën në një sulm nga persona të armatosur të premten në një sallë koncertesh në Moskë. Salla e koncerteve është djegur gjatë sulmit nga disa persona të armatosur. Shteti Islamik përmes një postimi në platfromën Telegram morin pëgjegjësinë për sulmin. Më herët zyrtarët rusë thanë se incidenti po hetohej si sulm terrorist, më vdekjeprurësi në Rusi për shumë vite.

Ministria e Shëndetësisë e Rusisë tha se disa nga të lënduarit janë dërguar tashmë për trajtim në spitale

Autoritetet ruse thanë se persona të armatosur hynë në sallën e koncerteve “Crocus City Hall” afër Moskës dhe qëlluan me armë automatike në drejtim të turmës, që po ndiqte koncertin e grupit muzikor “Picnic”. Më pas ata hodhën eksplozivë brenda ndërtesës, duke shkaktuar një zjarr të madh.

Mykhailo Podolyak, këshilltar i Presidentit ukrainas Volodymyr Zelensky mohoi përfshirjen e Kievit në sulmin ndaj sallës së koncertit në Moskë.

“Ukraina kurrë nuk ka përdorur metoda terroriste. Gjithçka në këtë luftë do të vendoset vetëm në fushën e betejës”, tha ai përmes një postim në platformën X.

Zëdhënësi i Shtëpisë së Bardhë për çështjet e sigurisë kombëtare, John Kirby tha të premten se ai nuk mund të fliste mbi detaljet e sulmit, por theksoi se “imazhet nga sulmi janë të tmerrshme dhe të vështira për t’u parë”.

“Mendimet tona janë me viktimat e këtij sulmi të tmerrshëm me armë”, tha zoti Kirby.

Sulmi vjen disa ditë pasi Presidenti Vladimir Putin çimentoi kontrollin e tij në vend, duke orkestruar një fitore të thellë në zgjedhjet presidenciale në Rusi./voa

Bashkimi Evropian është i tronditur dhe i tmerruar nga raportet e një sulmi terrorist në Bashkinë Crocus në Moskë, tha Peter Stano, zëdhënësi kryesor për çështjet e jashtme të BE-së, në një postim në rrjetin social X.

“BE dënon çdo sulm kundër civilëve. Mendimet tona janë me të gjithë ata qytetarë rusë të prekur”, tha Stano.

Sipas të dhënave paraprake, 40 persona u vranë dhe më shumë se 100 u plagosën si rezultat i të shtënave masive në Bashkinë Crocus në rajonin e Moskës, njoftoi Shërbimi Federal i Sigurisë së Rusisë.

Detaje tjera priten të japen.

Presidenti rus Vladimir Putin po merr përditësime të vazhdueshme mbi situatën në Moskë pas sulmit në sallën e koncerteve Crocus, sipas Dmitry Peskov, zëdhënës i Kremlinit.

“Vladimir Putin u informua për fillimin e të shtënave në minutat e para të asaj që ndodhi në Sallën e qytetit Crocus,” tha Peskov.

“Presidenti vazhdimisht merr informacion për atë që po ndodh dhe për masat që po merren përmes të gjitha shërbimeve përkatëse. Kreu i shtetit dha të gjitha udhëzimet dhe urdhrat e nevojshme,” shtoi ai.

Vetëm disa ditë më parë Vladimir Putin siguroi mandatin e tij të radhës si President i Rusisë duke marrë mbi 87% të votave.

Ukraina është distancuar nga sulmi i rëndë që ndodhi mbrëmjen e sotme në Moskë, ku mbi 40 persona raportohet se janë vrarë dhe mbi 100 të tjerë janë plagosur.

Këshilltari i lartë i Presidentit të Ukrainës Zelensky, Mikhailo Podolyak është shprehur se Ukraina nuk është e përfshirë me sulmin terrorist në sallën e koncerteve Crocus.

Në një postim në Telegram, Mykhailo Podolyak tha “le të jemi të qartë, Ukraina nuk ka absolutisht asnjë lidhje me këto ngjarje”.

Ende nuk ka një prononcim nga autoritetet ruse se kush mund të fshihet pas sulmit tragjik, ndërsa është raportuar se pas vrasjeve ndërtesa është përfshirë nga flakët për shkak të dy shpërthimeve.

Pas të shtënave masive në sallën e koncerteve në qendrën tregtare “Crocus City” në Moskë më herët gjatë mbrëmjes së sotme, kryetari i bashkisë së qytetit njoftoi në kanalin e tij zyrtar Telegram se po vendosen masa të veçanta sigurie për shkak të rrezikut të sulmeve të reja.

Kryetari i bashkisë së Moskës, Sergey Sobyanin, deklaroi se të gjitha ngjarjet sportive, kulturore dhe të tjera masive në kryeqytetin e Rusisë do të anulohen.

Gjithashtu, masat e sigurisë janë shtuar në aeroporte, ndërsa udhëtarët këshillohen të mbërrijnë herët për fluturimet e tyre.

Në të shtënat masive në “Crocus City”, sipas shërbimeve të urgjencës, 40 persona humbën jetën, mbi 100 u plagosën dhe më shumë se 100 prej tyre mbetën të bllokuar në godinën e qendrës tregtare, çatia e së cilës mori flakë, pasi pas të shtënave ka pasur edhe dy shpërthime.

Në vendngjarje ndodhen efektivët e policisë, si dhe mbi 50 ekipe të emergjencës.

Të shtëna në sallën e koncerteve Crocus City Hall në Krasnogorsk, një qytet afër Moskës.

Sipas informacioneve fillestare, të paktën katër persona të maskuar hapën zjarr. Këtë e raporton Ria Novosti, sipas së cilës një zjarr ka shpërthyer në ndërtesë. Të paktën 12 persona u vranë dhe 35 u plagosën sipas vlerësimeve fillestare.

Ndërtesa më pas u dogj dhe tani është duke u evakuuar.

Në rrjetet sociale janë publikuar disa video në të cilat burra (të paktën katër), me mjete luftarake, shihen duke hyrë në sallën e koncerteve dhe duke qëlluar mbi turmën me armë gjysmë automatike. Imazhet e tjera i tregojnë ata në dalje duke qëlluar me gjakftohtësi ndaj disa njerëzve që po përpiqeshin të strehoheshin në një cep jashtë hyrjes.

Presidenti Vladimir Putin dihet se mban pranë tij një grup besnik zyrtarësh dhe ndihmësish, me shumicën e rrethit të tij të ngushtë që i ka shërbyer liderit rus për shumë vite gjatë 23 viteve të tij në pushtet.

Për ata që kanë punuar me presidentin për më shumë se dy dekada, nuk është për t’u habitur që Putini vlerëson dhe kërkon besnikëri në rrethin e tij të ngushtë, shumë prej të cilëve ai i ka mbajtur afër që kur u ngrit në radhët e shërbimit të sigurimit sovjetik të Rusisë, KGB-së, para ngjitjes së tij në presidencë në fund të vitit 1999.

Megjithatë, “erëra” të forta ndryshimi po fryjnë tani në Kremlin. Presidenti rus Vladimir Putin tani shfaqet i vendosur për të revolucionarizuar kabinetin e tij, duke eliminuar ata që e kanë zhgënjyer, duke mos miratuar "operacionin ushtarak" në Ukrainë dhe duke shpresuar për një ndryshim. Figura të shquara si kryeministri Mikhail Mishustin, ministri i jashtëm Sergei Lavrov dhe ministri i mbrojtjes Sergei Shoigu rrezikojnë gjithashtu të përfshihen.

Sergei Shoigu

Ministri rus i Mbrojtjes Sergei Shoigu njihet si krahu i djathtë i Putinit dhe një nga pasardhësit e tij më besnikë. Ishte një kohë kur Shoigu, i cili ka qenë ministër i mbrojtjes që nga viti 2012, ishte një figurë publike popullore në Rusi dhe madje u shpall si pasardhësi i mundshëm i Putinit. Ai ishte gjithashtu i njohur për udhëtimet e tij të gjuetisë dhe peshkimit me presidentin në Siberi.

Megjithatë, pozicioni i tij duket se është dobësuar që nga fillimi i pushtimit të Ukrainës, në të cilin ai kishte luajtur një rol kyç në planifikim dhe tani po e mbikëqyr. Dështimet e Rusisë në Ukrainë mund të kenë dëmtuar ngjitjen e tij prej dekadash në nivelet e larta të pushtetit dhe kanë çuar në pretendime për një përçarje mes tij dhe Putinit. Ka pasur zëra të vazhdueshëm se Shoigu do të shkarkohet, por ai ka mbajtur postin e tij deri më tani. Nëse Rusia dështon në Ukrainë, ekspertët thonë se Shoigu dhe udhëheqja ushtarake e Rusisë do të bëheshin “kurban”. Megjithatë, koha e tij duket se ka mbaruar më shpejt sesa pritej.

Sergey Lavrov

Ministri i Jashtëm Sergey Lavrov, kryediplomati rus, shpesh përshkruhet si zëdhënësi i Kremlinit. Ai konsiderohet të jetë një diplomat me përvojë dhe i aftë, pasi i është bashkuar ministrisë së jashtme mbi 50 vjet më parë dhe ka punuar gjatë Luftës së Ftohtë dhe rënies së BS. Megjithatë, besueshmëria e tij ka vuajtur vitet e fundit pasi i është ngarkuar detyra të mbrojë disa nga veprimet gjithnjë e më të ashpër dhe të diskutueshme të Rusisë.

Pavarësisht mandatit të tij të gjatë, Lavrov nuk është pjesë e rrethit të brendshëm të Putinit dhe thuhet se është mënjanuar kryesisht nga vendimet në lidhje me Ukrainën – pavarësisht se vazhdon të jetë i detyruar të mbrojë pushtimin.

Mikhail Mishustin

Kryeministri aktual Mikhail Mishustin,natyrisht, po bën gjithçka për të qëndruar në detyrë. Disavantazhi i tij kryesor është se ai nuk është mjaft i lidhur me luftën. Ai është shumë teknokrat, siç supozohej të ishte kryeministri ideal i Putinit në vitin 2020 – një burokrat pa fytyrë që ndjek urdhrat në mënyrë të përsosur, di si të merret me ekonominë dhe ka një reputacion si një menaxher efektiv pa ambicie politike.

Por viti i kaluar ka ndryshuar gjithçka. Qeveria e tij thuhet se ka qenë e sukssesshme, prandaj, për të parandaluar që Mishustin të bëhej shumë i fuqishëm, sipas logjikës së Putinit, ai duhet të largohet.

Emrat e rinj

Kush do të zërë vendin e tyre? Siç raporton gazeta kombëtare, flitet për emra të rinj, besnikë dhe të paskrupull, në përputhje me presidentin e Rusisë. Mes kandidatëve është emri i Dmitrij Patrushev, 46 vjeç, djali i Nikolaij, bashkëpunëtor i ngushtë i Putinit dhe aktualisht ministër i Bujqësisë.

Një tjetër emër është Mintimer Mingazov, 29 vjeç, marrësi i aseteve të ngrira të Danone dhe konsiderohet si mbrojtësi i Putinit. Atmosfera në Kremlin është e tensionuar, ndërsa përgatitemi për një riorganizim të afërt që mund të ndryshojë kartat në tryezën e politikës ruse.

Mbetet për t'u parë se kush do të konfirmohet në rolet e tyre dhe kush do të jetë i destinuar të largohet nga skena politike.

Më shumë municion, më shumë prodhim armësh, më shumë investime dhe koordinim në aftësitë mbrojtëse. Evropa është realisht duke u përgatitur për luftë.

Shtetet anëtare të BE-së po rrisin shpenzimet e tyre në mbrojtje dhe Bashkimi Evropian,një projekt që synon ruajtjen e paqes pa një komponent ushtarak, tani po pëson një metamorfozë, në një model me fokus të fortë në mbrojtje, pasi synon të mbrohet nga kërcënimet e jashtme në kohë të trazuara.

Rruga e kësaj metamorfoze shënohet nga lufta e Rusisë kundër Ukrainës, e cila ka hyrë në vitin e tretë.Përgatitja e gjithë kontinentit për luftë është edhe nevoja e përmendur dhe “e bërtitur me zë të lartë” nga zyrtarë të lartë të Bashkimit Evropian, nga Përfaqësuesi i Lartë i BE-së, Josep Borrell, tek Ursula von der Leyen, Presidente e Komisionit Evropian.

Sikur të mos mjaftonte kjo, në draft dokumentin përmbyllës të Këshillit Europian duket se flitet edhe për një program emergjence në rast sulmi lufte.

Hija e luftës

Kërcënimi mbi Brukselin sigurisht vjen nga Rusia. Udhëheqja e BE-së është në fakt e bindur se Vladimir Putin nuk ka ndërmend të ndalet në Ukrainë dhe se kreu i Kremlinit dëshiron të shkelë në hapësirën e kombeve të tjera.

Në një letër drejtuar ish-presidentit të Finlandës, Sauli Niinisto, Von der Leyen vlerësoi modelin mbrojtës të miratuar nga Helsinki, duke nënkuptuar se pjesa tjetër e Evropës duhet të marrë një shenjë nga shoqëria finlandeze, një “shoqëri që "ka mësuar të jetojë në afërsi të një fqinji kaq të paparashikueshëm dhe agresiv dhe ku përgatitja e mbrojtjes nuk është vetëm një shqetësim për ushtrinë, por për të gjithë”.

"Ne e dimë se ambiciet e Putinit nuk ndalen në Ukrainë, përkundrazi: Putini flet për misionin e tij historik. Dhe kjo është shumë e njohur për popullin finlandez", shtoi më pas von der Leyen, duke hipotezuar, siç u përmend, se Presidenti rus synon të mos ndalet në Ukrainë.

Fjala "të gjithë" përmban kuptimin e mesazhit të nisur nga von der Leyen: e gjithë shoqëria evropiane duhet të jetë gati për çdo eventualitet, përfshirë kërcënimet ushtarake dhe hibride dhe fatkeqësitë natyrore. "Kemi shumë për të mësuar nga Finlanda," tha vetë presidentja e KE-Së, Von der Leyen.

Finlanda ka më shumë se 1300 kilometra kufi me Rusinë dhe po e ndjek me shumë vëmendje luftën në Ukrainë.

Dokumenti i KE

Ka edhe një pjesë tjetër që vlen për t'u përmenduar. Në fakt, se draft dokumenti përfundimtar i Këshillit Evropian përmban një program emergjent në rast të një sulmi të luftës ruse.

Sipas asaj që raportohet nga “La Repubblica”, teksti do të nënvizonte domosdoshmërinë e zhvillimit të një plani për përgatitjen ushtarako-civile "të forcuar" dhe "të koordinuar", si dhe "menaxhimin strategjik të krizës në kontekstin e evolucionit të peizazhit të kërcënimit".

E thënë ndryshe, Këshilli Evropian është i gatshëm të ftojë Komisionin dhe Përfaqësuesin e Lartë të BE-së për të zbatuar "veprime për të forcuar gatishmërinë ndaj krizave dhe reagimin në nivel të BE-së në një qasje të të gjitha rreziqeve dhe të gjithë shoqërisë, në funksion të një gatishmërie për të ardhmen."

Prandaj, në Bruksel ka nga ata që kanë frikë se konflikti ukrainas mund të zgjerohet seriozisht dhe realisht deri në pikën e përfshirjes së vendeve të tjera evropiane.

Kërcënimet e Rusisë

Edhe pse Parisi e ka mohuar zyrtarisht lajmin sipas të cilit ushtria franceze po përgatit një kontingjent prej 2 mijë ushtarësh për të dërguar në Ukrainë, paralajmërimet dhe kërcënimet vazhdojnë të vijnë nga Moska për pasojat e mundshme të një angazhimi të drejtpërdrejtë të NATO-s në vendin e pushtuar.

"Në çdo rast, ne kemi thënë tashmë më shumë se një herë se dërgimi i kontingjenteve ushtarake të huaja në Ukraina do të çonte në pasoja shumë negative, madje edhe pasoja të pariparueshme", tha së fundmi zëdhënësi i Kremlinit Dmitry Peskov. Deklaratat e tij vijnë pasi presidenti francez Emmanuel Macron kishte ngritur mundësinë e dërgimit të trupave perëndimore në Kiev.

Megjithatë, Rusia e ka bërë më se të qartë: Ky do të ishte fillimi i luftës midis Pakti Atlantik dhe Federatës Ruse.

Rusia tani është në “luftë” me Ukrainën për shkak të ndërhyrjes perëndimore në atë që Moska më parë e quajti “operacion special ushtarak”.

Kështu ka thënë zëdhënësi i Kremlinit, Dmitri Peskov për median Argumenty i Fakty, e cila është në pronësi të qeverisë komunale të Moskës, shkruajnë mediat e huaja.

“Ne jemi në luftë. Në të vërtetë, ai filloi si një operacion ushtarak special, por sapo Perëndimi kolektiv u bashkua në anën e Ukrainës, ai u kthye në luftë për ne”, citohet të ketë thënë Peskov.

Kjo deklaratë e Peskov bie në sy për faktin se që nga fillimi i pushtimit të tij në shkallë të plotë të Ukrainës në shkurt të vitit 2022, Kremlini ka bërë përpjekje të mëdha për të shmangur ta quajë konfliktin një luftë, duke iu referuar gjithmonë si një “operacion ushtarak special”.

Peskov tha gjithashtu se Rusia duhet të “çlirojë” plotësisht “rajonet e saj të reja për të garantuar sigurinë e njerëzve atje”, një referencë për katër rajonet ukrainase që Rusia pretendoi se i kishte aneksuar në vitin 2022.

Në anën tjetër, Ukraina thotë se aneksimi nga ana e Rusisë ishte një rrëmbim i paligjshëm i tokës dhe se nuk do të pushojë derisa çdo ushtar rus të dëbohet nga toka e saj.

Ukraina është gjithashtu e vendosur të kthejë gadishullin e Krimesë në Detin e Zi, të cilin Rusia e mori prej saj në vitin 2014.

Moska, e cila ka investuar shumë në Krime, thotë se gadishulli është pjesë e Rusisë dhe se statusi i tij është zgjidhur një herë e përgjithmonë.

Disa pamje nga Ukraina thuhet se tregojnë se si Humvee e ndërtuar nga SHBA-ja provon vlerën e saj, me dritaret e saj “të përforcuara” që bllokojnë depërtimin e një “copëze e armatimit rus”.

Sipas mediave të huaja, një video e shpërndarë në YouTube nga UNITED24 Media, një media shtetërore ukrainase, ofron një vështrim nga afër të xhamit të blinduar të automjetit, ku ishte ndaluar copëza.

“Xhami i blinduar i një Humvee të prodhuar nga Amerika shpëtoi një ushtar ukrainas nga copëzat”, thuhet në mbishkrim.

Megjithatë, nuk është e qartë se ku dhe kur është realizuar videoja.

“Mjet i blinduar. Një fragment, i vogël. Nuk ka depërtuar”, dëgjohet një person duke thënë.

Më shumë se 1700 Humvee (një shkurtim i “automjeteve me rrota për terrene të ndryshme me lëvizshmëri të lartë”) janë dorëzuar në Ukrainë nga SHBA që nga fillimi i pushtimit rus në vitin 2022