Seanca e parlamentit francez u pezullua pasi deputeti valëviti flamurin palestinez

Evropë

Seanca e parlamentit francez u pezullua pasi deputeti valëviti flamurin palestinez

Më: 28 maj 2024 Në ora: 17:08
Sebastien Delogu

Kreu i Asamblesë Kombëtare të Francës ka pezulluar seancën e pasdites së dhomës së ulët, pasi një deputet i krahut të majtë valëviti një flamur palestinez.

Sebastien Delogu, nga partia Les Insoumis (LFI), valëviti flamurin për të tërhequr vëmendjen për situatën në Gaza.

“Ne do të vazhdojmë të ngritim zërat e paqes kudo, gjatë gjithë kohës”, tha partia LFI më pas në rrjetin social X ku postoi videon e incidentit.

“Kjo nuk është e tolerueshme”, tha presidentja e Asamblesë Kombëtare Yael Braun-Pivet ndërsa pezulloi seancën.

Incidenti ndodhi teksa ministri i ri i Tregtisë, Franck Riester, po i përgjigjej një pyetjeje në lidhje me situatën në Gaza.

commentFirst article
Sot mund të lexoni Shfletoni kopertinat