Ferizaj shënon Ditën Ndërkombëtare të Fëmijëve - Bota Sot
Ferizaj shënon Ditën Ndërkombëtare të Fëmijëve

Ferizaj

Ferizaj shënon Ditën Ndërkombëtare të Fëmijëve

Më: 1 qershor 2019 Në ora: 17:04
Ferizaj

Mëngjesi i sotëm në Ferizaj shndërroi sheshin para Komunës në një arenë rekreative e artistike ku qindra fëmijë të shoqëruar nga prindërit e tyre ndoqën aktivitete të ndryshme që ishin organizuar me rastin e Ditës Ndërkombëtare të Fëmijëve.

Për t’i përshëndetur dhe uruar fëmijët në ditën e tyre doli edhe Kryesuesja e Kuvendit të Komunës, Kristina Gashi Bytyçi, drejtorja e Kulturës, Rinisë dhe Sportit, Xhemile Murati Shabani, drejtori i Arsimit, Afrim Llabjani, ai i Shëndetësisë dhe Mirëqenies Sociale, Bekim Ademi dhe drejtori i Infrastrukturës, Arbër Bytyqi.

Ata bashkë me përfaqësues të institucioneve tjetra dhe anëtare të Kuvendit të Komunës, panë aktivitetet që ishin organizuar dhe në të cilat morën pjesë qindra fëmijë. Garë sportive, këngë, valle, koloni me piktura, recitime e lojëra të ndryshme ishin aktivitetet që janë organizuar nga GIZ-i gjerman në bashkëpunim me Komunën e Ferizajt.

Veçanti në këtë ditë ishte edhe aktiviteti që kishte organizuar Shoqata e Personave me Nevoja të Veçanta “Handikos” nën moton “Së bashku mund të arrijmë më shumë”, nismë kjo e ndërgjegjësimit për nevojat dhe përkujdesin ndaj personave me nevoja të veçanta.

Me shumë buzëqeshje në fytyrat e të vegjëlve, rekreacion dhe dashuri ndaj tyre, Ferizaj shënoi Ditën Ndërkombëtare të Fëmijëve.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...