​Policia: Nuk ka të lënduar nga zjarri në “Viva Fresh” në Ferizaj

Ferizaj

​Policia: Nuk ka të lënduar nga zjarri në “Viva Fresh” në Ferizaj

Më: 15 shkurt 2022 Në ora: 10:15
“Viva Fresh”

Një zjarr ka përfshirë qendrën tregtare “Viva Fresh Store” në Ferizaj. Fatmirësisht nga ky zjarr nuk ka të lënduar, meqë sic tregoi zëdhënësi i Policisë së Kosovës për Rajonin e Ferizajt, Kanun Veseli.

Veseli tregoi së ngjarja ka ndodhur pak pas mesnatës, ku edhe kanë ndërhyrë, policia, zjarrfikësit e ambulancat.

Veseli: Rreth orës 00:11 qendra tregtare “Viva Fresh” është kapluar nga zjarri

“Policia ka pranuar informacionin rreth orës 00:11, se qendra tregtare ‘Viva Fresh’ ishte kapluar nga zjarri. Ekipet e Policisë, zjarrfikësit dhe ambulanca kanë dalë në vend të ngjarjes. Për shuarjen e zjarrit janë angazhuar zjarrfikës të Ferizajt, Shtimes, Kaçanikut, Lipjanit, Gjilanit, Vitisë, Kamenicës dhe Prishtinës meqenëse zjarri ka qenë i madh”, tha ai.

Veseli thotë se ende nuk dihen shkaqet që çuan deri tek zjarri i kësaj qendre.

Veseli: Shkaqet nuk dihen ende, po bëhen hetime

“Për shkaqet se si ka ardhë të zjarri ekipet e Policisë hetimet dhe ekspertet e zjarrit dalin më vonë, dmth është në proces të hetimit. Nuk ka pasur të lënduar dhe as punëtorë brenda pasi që ngjarja ka ndodhur në ora 00:11”, tregoi Veseli. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat