Aksion në Malet e Sharrit kundër prerjes së paligjshme, konfiskohen furgonë dhe dru pa dokumentacion

Ferizaj

Aksion në Malet e Sharrit kundër prerjes së paligjshme, konfiskohen furgonë dhe dru pa dokumentacion

Më: 24 gusht 2025 Në ora: 19:21
Pamje nga vendi i ngjarjes

Policët e stacionit në Shtërpcë, në kuadër të planit operativ “Mbrojtja e pyjeve 2025”, kanë zhvilluar një operacion në mbrojtje të pyjeve dhe pasurisë natyrore të Parkut Kombëtar të Maleve të Sharrit.

Në njoftimin e lëshuar thuhet se të premten në rrugën e fshatrave Drajkovc – Kashtanjevë të Shtërpcës, policia ka ndaluar dy furgon të tipit Fiat, të drejtuara nga personat B.Z. dhe L.H., të cilët po transportonin drunj pa dokumentacionin përkatës.

“Në koordinim me autoritetet e Parkut Kombëtar “Sharri”, drurët e prerë dhe automjetet e përdorura janë konfiskuar, ndërsa rasti është proceduar për trajtim të mëtejmë ligjor nga organet kompetente”, thuhet në njoftim.

Policia Rajonale e Ferizajt shton se mbetet e përkushtuar për zbatimin e planeve operacionale dhe mbrojtjen e pasurive natyrore të vendit. 

comment Për komente lëvizni më poshtë
Sot mund të lexoni Shfletoni kopertinat