Vjen vendimi zyrtar i komisarëve të garës në Çmimin e Madh të Brazilit.
Lewis Hamilton sjkualifikohet për parregullsi teknike në Mercedesin e tij dhe do të duhet ta nisë sprintin nga vendi i fundit në rrjet ose nga “pit lane”. Ndërkohë Verstappen merr një gjobë prej 50 mijë eurosh!
DRS e Mercedes “44” ishte më e gjerë se sa lejohej në klasifikimin e së premtes, i kalonte 85 milimetrat e përcaktuara në Rregulloren Teknike të F1, ndaj makina u shpall e parregullt. Delegati teknik i FIA-s, Jo Bauer, ua dërgoi raportin komisarëve.
Komisarët argumentojnë se ndonëse është një gabim i izoluar, duke pranuar Mercedesi nuk po përpiqej të përfitonte, shkelja është e qartë.
