Rossi merr çmimin e veçantë

Formula 1

Rossi merr çmimin e veçantë

Më: 17 nëntor 2021 Në ora: 12:34
Rossi merr çmimin e veçantë

Në mbrëmjen “gala” të zhvilluar në përfundim të sezonit 2021 të MotoGP, piloti italian Valentino Rossi është vlerësuar me një çmim special nga Dorna, kompania që organizon garat e motoçiklizmit. Siç dihet, Rossi i tha lamtumirë karrierës pas 26 vitesh, duke fituar në total 9 tituj kampionë.

“Doktori” ka marrë nga presidenti Carmelo Ezpeleta çmimin “MotoGP Legend” (Legjendë e MotoGP). Zakonisht, ky çmim u jepet pilotëve disa vite pasi kanë përfunduar karrierën e tyre, por për Rossi ai vlerësim u dha menjëherë pas garës së tij të fundit.

Rossi u prit me duartrokitje në këtë ceremoni, pasi bëhet fjalë për një legjendë të vërtetë: 115 fitore dhe 235 podiume në 26 sezone. Deri më tani, këtë vlerësim e kanë marrë 31 pilotë.

“Faleminderit për vlerësimin. Kjo do të jetë një ditë speciale, që do ta kujtoj gjatë. Ka qenë një karrierë e gjatë dhe për mua ishte një kënaqësi”, tha Rossi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat