Aksident i rëndë për pilotin e ri gjerman

Formula 1

Aksident i rëndë për pilotin e ri gjerman

Më: 26 mars 2022 Në ora: 20:42
Aksident i rëndë për pilotin e ri gjerman

Momente paniku në pistën e Jeda, ku po zhvillohen provat zyrtare të Çmimit të Madh të Arabisë Saudite.

Makina Haas e pilotit gjerman Mick Schumacher ka pësuar një aksident të rëndë gjatë sesionit të dytë, duke u përplasur me muret mbrojtëse.

Aksidenti ishte i fortë, pasi makina u përplas me shpejtësi të madhe me barrierat mbrojtëse, duke detyruar komisarët e garës të nxjerrin flamurin e kuq dhe ndërprerë provat zyrtare. Ankth, pasi ende nuk ka informacion zyrtar për pilotin e ri gjerman.

Në pistë ndodhet edhe një ambulancë. Makina e Schumacher është shkatërruar shumë, ndërkohë që ankthi për gjendjen e pilotit të Haas është e madhe.

Mësohet se piloti është nxjerrë nga makina me ndihmën e komisarëve dhe është transportuar në qendrën shëndetësore.

commentFirst article
Sot mund të lexoni Shfletoni kopertinat