Verstappen: Vështirë se mund të arrihet më një rezultat i tillë

Formula 1

Verstappen: Vështirë se mund të arrihet më një rezultat i tillë

Më: 25 prill 2022 Në ora: 12:30
Verstappen: Vështirë se mund të arrihet më një rezultat i tillë

Pas triumfit ditën e shtunë në “garën sprint” dhe të dielën në garën “normale”, piloti holandez Max Verstappen e ka konsideruar fundjavën e kaluar në pistën e Imola (Itali) si “fundjava e përkryer”. Kampioni i botës ka ngushtuar diferencën me kryesuesin e botërorit, Charles Leclerc (Ferrari) dhe sheh me optimizëm pjesën e mbetur të sezonit.

“Vështirë se mund të arrihet më një rezultat i tillë: Fitues në garën sprint dhe në garën e zakonshme me xhiron më të shpejtë, duke korrur maksimumin e pikëve në një fundjavë. Gjithçka ishte e përkryer për ne si skuadër.

Bëmë gjithçka në mënyrën më të mirë të mundshme dhe ishte një fitore e merituar”, u shpreh piloti Max Verstappen.

“Kishim nevojë për një fundjavë të tillë, e përkryer për mua dhe për Red Bull.

E nisëm sezonin mes shumë vështirësive dhe një rezultat i tillë na jep shpresë dhe motivim për të ardhmen.

Nuk ka qenë një garë e lehtë, pasi pista ishte e lagur, por arritëm të ruanim të njëjtin ritëm si me gomat për pistë të lagur ashtu dhe ato të ndërmjetme dhe pistë të thatë”, tha Verstappen.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat