Reduktohet numri i garave

Formula 1

Reduktohet numri i garave

Më: 26 maj 2022 Në ora: 12:31
Reduktohet numri i garave

Gara e Çmimit të Madh të Finlandës në MotoGP, e parashikuar për t’u zhvilluar më 10 korrik, është anulluar dhe është hequr nga kalendari i garave të këtij sezoni. Punët që janë duke u kryer ende në pistën e “Kymi Ring” dhe problemet gjeopolitike si pasojë e luftës në Ukrainë, kanë detyruar organizatorët e garës ta anulojnë atë.

“Situatat e krijuara së fundi kanë vënë në rrezik vijimin normal të punëve në pistën e re.

Ndaj, pas një bisede mes të gjitha palëve, është vendosur që të anullojmë garën dhe ta zhvillojmë atë vitin tjetër”, tha në një komunikatë Dorna, kompania që administron garat e motoçiklizmit.

Botërori i MotoGP do të rikthehej këtë vit në Finlandë pas 40 vitesh, por gjithçka është shtyrë për sezonin tjetër. Dorna ka bërë me dije se gara e anulluar nuk do të zëvendësohet me një tjetër, duke bërë që numri i garave për këtë sezon të zbresë nga 21 në 20. Këtë verë, botërori i MotoGP do të ketë pushime verore më të gjata, pasi do të ndalet nga 26 qershorit (gara e Holandës) deri më 7 gusht (gara e Anglisë).

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat