Alpine e prezantoj si pilot të tyre, Piastri e mohon

Formula 1

Alpine e prezantoj si pilot të tyre, Piastri e mohon

Më: 3 gusht 2022 Në ora: 15:20
Alpine e prezantoj si pilot të tyre, Piastri e mohon

Skuadra Alpine në Formula 1 pak ditë më parë mësoi se do të jetë pa Fernando Alonson, i cili do të vozisë për skuadrën Aston Martin nga sezoni i ardhshëm. Për këtë arsye Alpine vendosi menjëherë të promovojë një pilot të ri në vend të ish-kampionit të botës.

Piloti i ri i Alpine supozohej të ishte Oscar Piastri, pasi ekipi e prezantoi atë në rrjetet sociale. Megjithatë, shoferi i talentuar nëpërmjet një shkrimi në profilin e tij bëri me dije se nuk ishte e vërtetë kalimi i tij te Alpine.

Piastri mohoi se kishte nënshkruar kontratë me Alpine dhe se do të voziste për ta nga sezoni i ardhshëm.

“Me sa kuptoj, pa lejen time, Alpine njoftoi se unë do të vozisë për ta nga sezoni i ardhshëm. Kjo nuk është e vërtetë dhe unë nuk kam nënshkruar kontratë me Alpine për vitin 2023. Nuk do të vozis për ta sezonin e ardhshëm”, ka shkruar Piastri.

Ky lajm i ka tronditur tifozët e kësaj skuadre në Formula 1.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat