Mick në udhëkryq

Formula 1

Mick në udhëkryq

Më: 6 gusht 2022 Në ora: 11:16
Mick në udhëkryq

Ndonëse merkato e pilotëve në Formula 1 është në kulkmin e saj, te Haas kanë vendosur të “ngrijnë” bisedimet me pilotin e ri gjerman Mick Schumacher. Kontrata e tij skadon në fund të këtij sezoni dhe ai nuk e ka të sigurt qëndrimin te makina amerikane.

Mick Schumacher shpresonte te kalonte tek Aston Martin, në vendin e Vettel, por kjo mundësi u dogj. Sipas RTL, bisedimet mes Haas dhe Schumacher do të nisin vetëm në garën e Monza (11 shtator), duke lënë në dyshim çdo gjë gjatë muajit gusht në lidhje me të ardhmen e pilotit.

Kjo situatë vë nën presion Mick, që do të garojë në Belgjikë e Holandë me objektivin e zonës së pikëve për të bindur Haas t’i rinovojë kontratën. Alternativa për të ardhmen e Mick, në rast se nuk rinovon kontratën, janë Alfa Romeo e Alpine, por asgjë nuk është e sigurt.

Mick është pjesë e Akademisë Ferrari dhe shpreson në ndihmën që mund t’i japë “kokëkuqja” në zgjidhjen e këtij ngërçi. Garat e para pas pushimeve do të jenë vendimtare për pilotin e ri gjerman, që tashmë gjendet në udhëkryq.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat