Punonin 7 shqiptarë në të ‘zezën’, mbyllet restoranti në Gjermani

Gjermania

Punonin 7 shqiptarë në të ‘zezën’, mbyllet restoranti në Gjermani

Më: 3 gusht 2022 Në ora: 09:29
Të gjithë ata i janë dorëzuar zyrës përgjegjëse të emigracionit për sqarime të mëtejshme

Një restorant në Gjermani është mbyllur pasi janë zënë shtatë shqiptarë duke punuar në të zezën. Sipas doganave, pesë shqiptarë punonin ilegalisht në këtë lokal. Pronari ka punësuar edhe dy punëtorë të tjerë, të cilët nuk ishin të regjistruar në sigurimet shoqërore.

Zyrtarët në zyrën kryesore doganore në Krefeld kanë kontrolluar kompanitë e hotelierisë, ndërtimit dhe taksive në Krefeld, Nettetal dhe rrethin Viersen. Kontrollimi është bërë nën dyshimin për punë të padeklaruar dhe me këtë rast ata kanë gjetur shkelje të shumta, shkruan rp-online.de.

Si rezultat i kontrollit, një restorant është mbyllur zyrtarisht pasi janë gjetur shtatë persona me status të paligjshëm nga Shqipëria, të cilët nuk kishin as leje qëndrimi dhe as leje pune. Të gjithë ata i janë dorëzuar zyrës përgjegjëse të emigracionit për sqarime të mëtejshme.

Pesë prej tyre ishin të punësuar në një lokal hotelier, ndërsa dy të tjerë që ishin puënsuar nga pronari i këtij lokali nuk kanë qenë të regjistruar për sigurimet shoqërore.

Ndaj pronarit kanë nisur hetimet për shkelje të regjistrimit dhe punësim të paligjshëm të të huajve. Meqenëse pronari nuk kishte më staf në dispozicion për sektorin e kuzhinës, restoranti duhej të mbyllej po atë mbrëmje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat