Zbardhet dinamika e vrasjes së 42-vjeçarit shqiptar në Gjermani! Ja çfarë thotë kryeprokurori

Gjermania

Zbardhet dinamika e vrasjes së 42-vjeçarit shqiptar në Gjermani! Ja çfarë thotë kryeprokurori

Më: 29 nëntor 2022 Në ora: 16:43
Foto ilustrim

Të tjera detaje kanë dalë mbi sulmin për vdekje ndaj shqiptarit që u vra mbrëmjen e djeshme në Krefeld të Gjermanisë.

Sipas burimeve nga mediat e huaja, bëhet me dije se 42-vjeçari shqiptar është qëlluar katër herë nga dy persona, ndërsa ka humbur jetën, pasi është qëlluar në pjesën e pasme të kokës.

Gjithashtu mësohet se shqiptari ishte një emër i njohur për autoritetet gjermane, ku jetonte që prej vitit 2018, pasi ishte i  dyshuar për vjedhje dhe trafik droge.

“Sipas të dhënave që janë zbuluar në këtë fazë të hetimit, mund të mendohet se 42-vjeçari ka qenë një viktimë e rastësishme. Megjithatë ne po hetojmë disa pista”, u shpreh Kryeprokurori publik Axel Stahl.

BILD raporton se dy autorët me sa duket kanë ardhur në Krefeld me një Peugeot blu të vjedhur. Dyshohet se ata e kanë parkuar makinën dhe kanë pritur që të vinte shqiptari, për ta “hequr qafe”.

Në momentin që 42-vjeçari ka ardhur me biçikletë, autorët kanë dalë nga makina dhe kanë qëlluar, duke e lënë të vdekur.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat