Të nderuar miq të letërsisë, kam nderin t’ju prezentoj poezinë time - e cila fitoi ‘Çmimin “Pavarësia” 2022’ - me titull “Qielli i natës dhe Ylli”.
Unë çuhem Arber Shabanaj, i lindur më 08 mars të vitit 1970 në Gjakovë. Rrugën time drejt letërsisë e kam nisur me poezinë. Që në gjimnaz e më pas - përgjatë studimeve në univerzitet - poezia m’u bë shoqëruese dhe kështu, duke ecur, ne nuk iu ndamë më njëri-tjetrit.
Punën dhe veprimtarinë time të palodhshme për të drejtat dhe lirinë e popullit tim, i trajtoja si diçka krejtësisht legjitime dhe që në kohën e regjimit të egër sllav kërkoja liri krijimi. Unë nuk kam qenë disident! Atë që më ka thënë zemra e kam shprehur. Kuptohet se edhe për këtë organet e dhunëshme qeveritare dhe policore sllave, të cilat ishin të instaluara në Kosovë, më maltretuan sidomos në Verën e Vitit 1991 pa fije mëshire fizikisht dhe, për të kuruar plagët dhe shpëtuar jetën time, u përndjeka me dhunë nga Kosova dhe u detyrova të emigroi politikisht në Gjermani, ku unë jetoj dhe punoj. Libra unë shkruaj sikurse në gjuhën Shqipe poashtu edhe në atë Gjermane dhe veprat e mia munden të porositen përmes „Buchhandel.de“ (Amazon, Thalia):
⹂Das Gericht des gelobten Rechtsstaates“, ⹂Die vorgespielte Gerechtigkeit“, ⹂Der Befreiungskrieg, wie ich ihn erleben musste“, ⹂Die Glocken der Stille“ dhe vepra të tjera të mia pothuaj i begatojnë vitrinat e literaturës gjermane.
Mendoj se shkrimtari kur krijon, nuk gjykon se po krijon që të bëhet statistikë për një gjeneratë apo një tjetër. Letërsia te krijuesi nis si art i pavarur dhe krejtësisht individual. Shkrimtarët e mëdhenj, jo vetëm në letërsinë shqipe, por edhe atë botërore, kanë ndihmuar në diversitetin dhe pasurimin e gjuhës, traditës, kulturave kombëtare, pra ju kanë dhënë identitet kombeve prej nga vijnë dhe në këtë kontekst ju kanë bërë shërbim të madh vendeve të tyre …
Shkrimtari i vërtetë është gjithnjë në konflikt me konvencionet e epokës së vet. Edhe kjo poezi vjen si një polifoni e vërtetë, e përsosur dhe bën jehonë të madhe, për shkak të tematikës së mprehtë, trajtimit dhe mpleksjes së shumë elementëve.
Promovimi i gjithë veprës sime, veçanërisht triumfi i ‘Çmimit “Pavarësia” 2022’, është një tjetër ditë e bukur e nëntorit të librit, që këtë herë u ndal në Stuttgart. Një takim fantastik me miq të mi dhe miq të letërsisë, me intelektualë e personalitete.
Më nderuan me vendimin e tyre personalitetet e Komisionit vlerësues të Shoqatës Pavarësia. Nën drejtimin e shkëlqyer të zotit Xhevdet Syla.
Unë jam shumë mirënjohës për vendimin tuaj, njëherit për punën e mrekullueshme të institucionit tuaj kulturor, i cili u kujdes fisnikërisht për këtë aktivitet. Në odën e gjerë të Shoqatës Pavarësia, në vjeshtën e mesme të letërsisë, me krushq nga bota e letërsisë dhe e artit, për të kurorëzuar krijimtarinë time. Faleminderit, i nderuari zoti Xhevdet Syla, që më bëre pjesë të programit tënd.
Me respektin tim sublim, ju uroj ç'do të mirë,
Në vazhdim më lejoni t‘ju lexoj poezinë e sipërpërmendur - fituese -, e cila titullohet „Qielli i natës dhe Ylli“
QIELLI I NATËS DHE YLLI
Qielli i madh, plot me elemente për t’u admiruar,
një përmasë hapësire, një Tokë e shtrenjtë
dhe ne, shumë largë për t’u reformuar,
të vendusur - shumë afër - për t’u larguar shpejtë.
Aty ra një Yll! Dhe dëshira e jonë për të,
jehoi nga vështrimi i tronditur lartë,
e shoqëroi urgjentisht nën t’njëjtin zë:
„Çfarë ka filluar
dhe çfarë ka kaluar?“
Shëndriti Anton Çeta:
„Jemi pak për t’u vrarë,
për një pikë uji a për një gardh në arë
dhe nëse e duam jetën,
në trekëmbësh t‘a çojmë ‘Mesjetën’!“
O ju lugina të gjëra, o ju lartësi,
o pyll i bukur, i gjelbëruar për mrekulli,
ti epshi i gjakut dhe ju hidhërimet e mia,
qëndroni nderues para veprave të tija!
Se ku është mendja e Antonit të artë,
atje vdes vdekja,
atje nis jeta, atje është besa,
është shpresa,
është rinia,
është plaku e fëmija.
O Anton Çeta, o thesar,
Anton mrekullia,
ku je ti,
aty është i gjithë populli Shqiptar!
