Haziri në Ditën e Çlirimit: Gjilani nderon deri në gjunjëzim veprën heroike të dëshmorëve, heronjve e martirëve të kombit

Gjilani

Haziri në Ditën e Çlirimit: Gjilani nderon deri në gjunjëzim veprën heroike të dëshmorëve, heronjve e martirëve të kombit

Më: 15 qershor 2021 Në ora: 12:10
Lutfi Haziri

Për nder të 15 qershorit, Ditës së Çlirimit, kryetari i Komunës së Gjilanit, Lutfi Haziri, me bashkëpunëtorët, ka bërë sot homazhe tek varrezat e dëshmorëve.

Haziri ka thënë se Gjilani nderon deri në gjunjëzim veprën heroike të dëshmorëve, heronjve e martirëve të kombit.

“Uroj këtë ditë të bardhë të lirisë së Gjilanit. Këto ditë janë të mbushuara me aktivitete në kushte pandemie. Komuna e Gjilanit, nderon në mënyrë ceremoniale deri në gjunjëzim veprën heroike të dëshmorëve, heronjtve, e martirëve të kombit, të cilët sakrifikuan për këtë ditë të bardhë të lirisë. Urime 15 qershori, Dita e Çlirimit”, ka thënë Haziri.

Gjatë ditës është paraparë ndarja e mirënjohjeve për udëheheqësit e institucioneve shëndetësore të cilët kanë qenë në ballë të luftës kundër COVID-19, për Gardën e Iowa dhe për disa pronarë të disa kompanive të njohura në Gjilan.

Ndërkohë, gjatë ditës do të shpaloset Murali i Lirisë para Zyrës së Kryetarit, për të vazhduar me ekspozitën te Muzeu i Qytetit (13:00).

commentFirst article
Sot mund të lexoni Shfletoni kopertinat