Voton ​Alban Hyseni: U bëj thirrje qytetarëve të votojnë

Gjilani

Voton ​Alban Hyseni: U bëj thirrje qytetarëve të votojnë

Më: 17 tetor 2021 Në ora: 10:35
Alban Hyseni

Kandidati për kryetar të Gjilanit, Alban Hyseni ka shfrytëzuar të drejtën e tij të votës.

Pretendenti për kryetar nga Lëvizja Vetëvendosje, i shoqëruar nga bashkëshortja e tij, ka votuar sot në qendrën e votimit 0401D, në shkollën "Abaz Ajeti".

Ai u ka bërë thirrje qytetarëve që të votojnë dhe të përcaktojnë fatin e tyre.

"Unë sot sapo përfundova obligimin tim si qytetar i Republikës, për të votuar. Për të shfrytëzuar të drejtën për të përcaktuar fatin tim dhe të ardhmen time, e me këtë edhe të familjes. Në anën tjetër, iu bëj thirrje gjithë qytetarëve të shfrytëzuar këtë të drejtë të garantuar dhe kushtetuese. Në mënyrë që bashkërisht të përcaktojmë të ardhmen e qytetit tonë dhe të ardhmen e vendit", ka thënë Hyseni.

Hyseni ka falënderuar të gjithë qytetarët për maturinë dhe pjekurinë politike e treguar gjatë fushatës zgjedhore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat