Në Fakultetin e Edukimit të Universitetit Publik “Kadri Zeka ” në Gjilan , në mënyrë hibride u mbajt tryeza e diskutimit me studentë dhe stafin akademik në kuadër të projektit SHPRESE, nga profesorët dhe ekspertët e fushës.
Fillimisht për këtë ngjarje e mbajti një fjalë rasti Prorektori për Bashkëpunim Ndërkombëtar, Dukagjin Leka, si dhe Prodekani i Fakultetit të Edukimit, Bashkim Dalipi.
Në këtë tryezë të diskutimit ishin panelistë: znj. Saameh Solaimani, konsulente nga SHBA – profesore e Edukimit në Fëmijërinë e Hershme në Universitetin e Hardvardit , Prof. Ass. Dr. Arbona Xhemajli nga Universitetit “Kadri Zeka ” në Gjilan, Prof. Ass. Dr. Drita Kadriu nga Universiteti” Fehmi Agani” në Gjakovë dhe Prof. Ass. Dr. Pranvera Jetishi Çollaku nga Universiteti “Ukshin Hoti “ në Prizern.
Në këtë ngjarje u diskutua për “ Përgatitjen e të rrituërve për zhvillimin e fëmijëve”. Nga penalistët u tha që vitet e para të jetës janë përcaktuese të zhvillimit fizik, emocional, social dhe kognitiv andaj është e domosdoshme përgatitja e të rriturve për zbatimin e standardeve për të dhënë sugjerime praktike për angazhimin krijues të komuniteteve të të mësuarit të përshtatshëm ku secili fëmijë përshpejton dhe zhvillon aftësitë e të mësuarit parapërgatitor për shkollë.
Në fund, pjesëmarrësit shfaqën dukshëm interesim me parashtrimin e pyetjeve në kuadër të diskutimeve të zhvilluara nga penalistët.
Kjo tryezë diskutimi u organizua në bashkëpunim me Caritas Switzerland in Kosovo, Fakultetin e Edukimit të UKZ – së dhe në partneritet me Fakultetet e Edukimit në Gjakovë, Prizren dhe Mitrovicë.
