Policia në Gjilan shqiptoi për 11 ditë mbi 1 mijë e 500 gjoba për mosrespektim të rregullave në trafik

Gjilani

Policia në Gjilan shqiptoi për 11 ditë mbi 1 mijë e 500 gjoba për mosrespektim të rregullave në trafik

Më: 12 janar 2022 Në ora: 16:01
Policia në Gjilan

Policia e Gjilanit nga 1 janari deri më 11 janar ka shqiptuar 1 mijë e 552 gjoba në trafik dhe 815 për mosrespektim të masave anti-COVID.

Sipas policisë, aksionet po realizohen nga Njësia Rajonale e Komunikacionit Rrugor si dhe nga Njësitët e Stacioneve Policore në rrugët magjistrale dhe lokale në rajonin e Gjilanit.

“Lloji i kundërvajtjeve për të cilat janë shqiptuar gjoba kanë të bëjnë me: mosrespektimi i shpejtësisë së kufizuar, tejkalim në vije të plotë apo vend të ndaluar, drejtimi i mjetit pa patentë shofer, kalimi i afatit të regjistrimit mospërdorim i rripit të sigurisë, përdorimi i telefonit gjatë ngasjes mungesë e posedimit të pajisjeve dimërore si dhe kundërvajtje tjera të ndryshme bazuar në ligjin e trafikut rrugor. Për këto kundërvajtje gjatë kësaj periudhe kohore në total janë shqiptuar 1552 gjoba”, thuhet nga policia në Gjilan.

Drejtoria Rajonale e Policisë në Gjilan ka apeluar te qytetarët që të respektojnë rregullat e komunikacionet dhe masat Anti-COVID.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat