Kandidati për kryetar të Gjilanit, Arbër Ismajli, ka premtuar se Kuvendi Komunal do të jetë zëri i qytetarëve.
Ismajli është takuar me kandidatin për asamblenë komunale të kësaj komune, Ilir Ramadanin, duke potencuar se janë në rrugën e fitores së madhe.
“Atmosferë e jashtëzakonshme në rrethin e kandidatit tonë Ilir Ramadanit, Me ftesë të mikut tonë dhe kandidatit për Asamblenë Komunale, Ilir Ramadani ishim për vizitë në konakun e tij. Iliri, është djali i këtij qyteti, burrë i fjalës, i drejtë dhe i përkushtuar për lagjen, për qytetin, e për krejt Gjilanin.
Familja Ramadani me zemër të madhe e me mikpritje të jashtëzakonshme, bashkë me banorët e lagjes Arbëria, na dhanë fuqinë dhe besimin se jemi në rrugën e fitores së madhe. Ky entuziazëm që po e shohim çdo ditë e çdo natë është dëshmia më e mirë se Gjilani është gati për ndryshim. Bashkë me Ilirin e dhjetëra kandidatë të tjerë, do ta bëjmë Kuvendin Komunal zërin e qytetarëve! Lagjja Arbëria, bashkë me krejt qytetarët tanë, po e shkruan faqen e re të historisë sonë politike.
Fitorja po vjen, bashkë për Gjilanin!”, thuhet në postimin e tij.
