Shtabi i emergjencës në Gostivar mbanë mbledhjen e radhës - Bota Sot
Shtabi i emergjencës në Gostivar mbanë mbledhjen e radhës

Gostivari

Shtabi i emergjencës në Gostivar mbanë mbledhjen e radhës

Më: 2 prill 2020 Në ora: 11:38
Pamje nga takimi

Shtabi i emergjencës në Gostivar ku përfshihen komunat Gostivar, Vrapçisht dhe Mavrovë-Rostushë është duke mbajtur mbledhjen e radhës të rregullt në të cilën shqyrtohet situata aktuale me koronavirusin prej ku do të përcaktohen masat që duhet të ndërmerren në vijim.

Me mbledhjen, në cilësinë e kryetarit të Shtabit të emergjencës, kryeson kryetari i komunës së Gostivarit Arben Taravari, ndërsa i pranishëm është edhe kryetari i komunës së Vrapçishtit, Isen Shabani.

Dy kryetarët e komunave dhe përfaqësuesit e institucioneve dhe organeve përkatëse, raportojnë për gjendjen aktuale, masat që ndërmarrin dhe sfidat me të cilat ballafaqohen.

Kryetari i komunës së Gostivarit falënderoi institucionet për ushtrimin e detyrës së tyre në nivelin e duhur, e sidomos qytetarët për sjelljen e tyre të ndërgjegjshme dhe respektimin e rekomandimeve të Qeverisë. Deri më tani në Gostivar janë testuar 50 persona dhe nuk ka raste të reja me Covid 19.

Shfaq komentet
comments powered by Disqus
Sot mund të lexoni Shfletoni kopertinat