Policia e Kosovës ka marrë sot një informacion se në orën 11:00 në magjistralen Prishtinë-Ferizaj, një qytetar nga vetura e tipit “Audi” kishte kërcënuar një person dhe kishte ikur nga vendi i ngjarjes.
Mirëpo të menjëhershëm ishin reagimet e Policisë së Kosovës. Policët i janë vënë në ndjekje të dyshuarit dhe shpejt kanë bërë lokalizimin e veturës.
Zëdhënësi i policisë për rajonin e Prishtinë, Agron Borovci, ka konfirmuar këtë lajm, duke treguar kështu detaje.
“Kësisoj vetëm pak minuta më vonë policia ka arritur që në hyrje të Prishtinës ta ndalonet veturën e dyshuar si dhe të arrestonte dy të dyshuarit ; A. D, 33 vjeç, mashkull, shtetas i Republikës së Kosovës, si dhe N. B, 41 vjeç, mashkull, shtetas i Republikës së Kosovës”, tha ai.
Ai ka treguar se personave në fjalë pas kontrollit të detajuar u janë gjetur dhe sekuestruar, një revole të tipit STEYR, L9-A1 , një karikator dhe tridhjetë e dy copë fishekë.
“Policia bashkërisht me Prokurorin e Shtetit kanë bashkërenduar veprimet hetimore me qëllim të ndriçimit të rrethanave të rastit, për të proceduar edhe më tej ata”, ka shtuar ai.
