Gjilan- Banorët arrijnë t’i ndalojnë hajnat që tentuan të vidhnin në tri shtëpi

Kronikë e zezë

Gjilan- Banorët arrijnë t’i ndalojnë hajnat që tentuan të vidhnin në tri shtëpi

Më: 20 qershor 2021 Në ora: 09:21
Foto nga vendi i ngjarjes

Të shumta ishin rastet e vjedhjeve dhe grabitjeve të cilat janë kryer gjatë vitit të kaluar në vend.

Por, hiç më e mirë situata nuk është as në këtë gjashtë mujorësh të këtij viti.

Në orët e vona të mbrëmjes së kaluar një tentim-vjedhje ndodhi në fshatin Bresalc, në magjistralen Prishtinë-Gjilan.

Image

Edhe pse tejet të shqetësuar, ishin pikërisht banorët e kësaj ane të cilët arritën që të ndalonin hajdutët duke i ndjekur nga pas, edhe pse rreziku prej tyre ishte tejet i lartë.

Të njëjtit kishin hyrë në një prej shtëpive, e më pas duke vazhduar në dy shtëpi të tjera në një lokacion tejet të afërt. Banorët e kësaj ane u bënë bashkë dhe ndaluan dy nga të dyshuarit, të cilët me të arritur zyrtarët policorë edhe u arrestuan.

Zyrtarët policorë me të arritur në vendin e ngjarjes kanë filluar hetimet e para lidhur me rastin, ndërsa sipas burimeve të lajmi.net, njëri nga të dyshuarit në këtë rast ka arritur të arratiset.

Image

Në redaksi kanë arritur edhe disa fotografi ku shihen edhe disa nga banorët të cilët ishin cak i këtyre vjedhjeve.

Duhet përkujtuar që shpesh herë banorë të zonave të ndryshme kanë qenë të shqetësuar si pasojë e grabitjeve/vjedhjeve të shumta të cilat janë bërë.

Raste të shumta së fundi janë raportuar edhe në fshatin Irzniq të Deçanit, rajon ky që është paraparë si cak i hajnave gjatë ditëve të kaluara.

Image

 

Shfaq komentet
comments powered by Disqus
Sot mund të lexoni Shfletoni kopertinat