​Policia zbardh arsyen e djegies së veturës në Sllatinë

Kronikë e zezë

​Policia zbardh arsyen e djegies së veturës në Sllatinë

Më: 24 tetor 2021 Në ora: 20:57
Foto ilustrim

Policia e Kosovës ka dhënë detaje rreth djegies së një veture sonte në Sllatinë të Prishtinës.

Zëdhënësi i Policisë rajonale për Prishtinës Daut Hoxha ka konfirmuar se dyshohet se deri te djegia e veturës ka ardhur si pasojë e instalimit elektrik.

“Sonte, rreth orës 19:30, policia pranuar informatën se tek ura e fshatit Henc, drejtimi i Prishtinës, një veturë është e përfshirë nga zjarri. Menjëherë në lokacion kanë dalë ekipet relevante policore dhe sipas informacioneve fillestare dhe vetë pronarit të automjetit, deri tek incidenti i zjarrit dyshohet të ketë ardhur nga instalimi elektrik”, ka thënë Hoxha.

Në vendin e ngjarjes kanë dalë edhe njësitë e zjarrfikësve që kanë marrë pjesë në shuarjen e zjarrit, ndërsa lidhur me rastin është njoftuar prokurori dhe eksperti i zjarrit. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat