30 ditë paraburgim për burrin që goditi me shuplaka gruan e tij

Kronikë e zezë

30 ditë paraburgim për burrin që goditi me shuplaka gruan e tij

Më: 18 janar 2022 Në ora: 16:25
Ilustrim

Gjykata Themelore në Prizren njofton se e ka caktuar masën e paraburgimit në kohëzgjatje prej 30 ditësh ndaj të pandehurit K.P., për shkak të dyshimit të bazuar që si pasojë e problemeve psikike që e kishin afektuar, nga një datë e pavërtetuar e deri më 16 janar të këtij viti kishte ushtruar dhunë ose keqtrajtim fizik ndaj bashkëshortes së tij.

Njoftimi:

“Dyshohet se me dashje, në vazhdimësi, ka kryer dhunë ose keqtrajtim fizik me qëllim të cenimit të dinjitetit të bashkëshortes së tij, ashtu që si rrjedhojë e problemeve të vazhdueshme familjare që kishin me të, vazhdimisht ushtroi dhunë fizike dhe psikologjike ndaj saj dhe me datë 16 janar, në momentin kur ajo u kthye nga puna, me të hyrë brenda në shtëpi, i pandehuri, në prezencën e fëmijëve të tyre, e sulmoi duke e goditur me shuplaka në fytyrë”, thuhet në komunikatën për shtyp të gjykatës.

Ndërkaq, bëhet e ditur se a do të argumentohen këto fakte, do të vlerësohet në fazat e mëtejme të procedurës penale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat