Gjuajtje me armë në Prishtinë, arrestohet një 33 vjeçar

Kronikë

Gjuajtje me armë në Prishtinë, arrestohet një 33 vjeçar

Më: 12 shkurt 2022 Në ora: 21:43
Foto ilustrim

(E plotësuar 22:05) - Një person është lënduar me armë zjarri në rrugën “George Bush” në Prishtinë.

I dyshuari i këtij rasti është arrestuar nga Policia e Kosovës.

Rastin e ka konfirmuar edhe zëdhënësja e Policisë për rajonin e Prishtinës, Flora Ahmeti.

“Sot rreth orës 21:00 është raportuar për një gjuajtje me armë zjarri në rrugën “George Bush”, në Prishtinë.Pas marrjes së informatës, në vendin e ngjarjes kanë dalë njësitet relevante policore, të cilat menjëherë kanë arritë të identifikojnë dhe arrestojnë personin e dyshuar. Personit të dyshuar I.I, mashkull 33 vjeç, i është gjetë dhe sekuestruar një armë zjarri”.

“Bazuar në të dhënat fillestare, në këtë rast një person është lënduar, dyshohet nga arma e zjarrit. Aktualisht hetuesit policor kanë nisur një hetim për sqarimin e të gjitha rrethanave që lidhen me rastin”.

***

Një gjuajtje me armë sapo ka ndodhur në rrugën “Xhorxh Bush” në Prishtinë.

Një dëshmitar nga vendi i ngjarjes thotë se dyshohet të ketë të plagosur nga kjo përleshje me armë.

Media ka kontakuar zëdhënësit e Policisë për rajonin e Prishtinë, por, nga të njëjtit ende s’ka marrë ndonjë informacion rreth ngjarjes.

Media do t'iu mbajë të informuar.

comment Për komente lëvizni më poshtë
Më të lexuarat
Sot mund të lexoni Shfletoni kopertinat