Vetaksidenti në magjistralen Prishtinë-Pejë, humb jetën njëri nga tre personat e lënduar

Kronikë e zezë

Vetaksidenti në magjistralen Prishtinë-Pejë, humb jetën njëri nga tre personat e lënduar

Më: 25 prill 2022 Në ora: 08:54
Foto ilustrim

Policia e Kosovës përmes raportit 24 orësh ka njoftuar se ka ndërruar jetë pasagjerja e cila ishte lënduar dje në aksidentin që ndodhi në magjistralen Prishtinë-Pejë, në Korreticë të Epërme.

Deri te aksidenti kishte ardhur si pasojë e mospërshtatjes së shpejtësisë nga ana e vozitëses femër, ku si pasojë kishte humbur kontrollin mbi veturën dhe ishte rrokullisur.

“Është raportuar se e dyshuara femër kosovare, derisa kishte qenë duke e drejtuar veturën me targa vendore kishte humbë kontrollin mbi mjetin dhe ishte rrokullisur. Si pasoj e aksidentit lëndime trupore ka pësuar drejtuesja e veturës femër kosovare  dhe dy pasagjerë, prindër të saj . Të lënduarit janë dërguar në QKUK për tretman mjekësor dhe rreth orës 20:05 njëri prej pasagjerëve viktima femër kosovare ka ndërruar jetë,  vdekjen e të cilës e ka konstatuar ekipi mjekësor”, thuhet në raportin e policisë.

Me urdhër të prokurorit trupi i pajetë i viktimës i është liruar familjarëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat