I riu gjendet pa shenja jete në Pejë, familjarët panë njollat e gjakut në shtëpinë e tyre

Kronikë e zezë

I riu gjendet pa shenja jete në Pejë, familjarët panë njollat e gjakut në shtëpinë e tyre

Më: 22 qershor 2022 Në ora: 10:33
Foto ilustrim

Një ngjarje mjaftë e rëndë ka ndodhur në orët e para të mëngjesit të sotëm në Pejë.

Një i ri është gjetur pa shenja jete në shtëpinë e tij në Pejë.

Kjo është konfirmuar edhe nga Policia e Kosovës për rajonin e Pejës.

Në një përgjigje nga policia u tha se rreth orës 05:32 familjarët kanë njoftuar se i riu në fjalë është gjetur pa shenja jete në një prej dhomave.

“Familjarët kanë vërejtur njolla gjaku. Pas marrjes së informacioneve, Policia bashkë me Ambulancën kanë arritur në vendin e ngjarjes nga ku mjeku kujdestar ka konstatuar vdekjen e viktimës”, u tha nga Zyra për Informim e Policisë së Kosovës.

Po ashtu u tha se në vendin e ngjarjes vazhdojnë të jenë Policia dhe Prokurori.

“Me urdhër të prokurorit trupi i pajetë i viktimës është dërguar për obduksion në IML, rasti është cilësuar si hetim i vdekjes.”

Sipas raportimit të mediave lokale rasti ka të bëjë me vetëvrasje, ndërsa viktima është 24 vjeçar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat