Shërthen një granatë në Prishtinë, dëmtohen tri vetura- Policia jep detaje rreth ngjarjes

Kronikë e zezë

Shërthen një granatë në Prishtinë, dëmtohen tri vetura- Policia jep detaje rreth ngjarjes

Më: 22 qershor 2022 Në ora: 13:38 Përditësuar në ora: 14:08 më 22.06.2022
Foto ilustrim nga vendi i ngjarjes rtk

Policia jep detaje lidhur me shpërthimin ku u dëmtuan tri vetura

Tri vetura janë dëmtuar si pasojë e një shpërthimi që ka ndodhur në rrugën “Dalmatët” në Prishtinë.

Zëdhënësi i zyrës rajonale të Policisë në Komunën e Prishtinë, Agron Borovci ka thënë për gazetën “Bota sot” se ngjarja ka ndodhur në orën 3:00 të mëngjesit, gjersa është raportuar në orën 06:30.

“Rreth orës 06:30, është raportuar se  në rrugën "Dalmatët" në Prishtinë , një veturë është  dëmtuar nga një mjet i dyshuar shpërthyes. Dyshohet që nga shpërthimi të jenë prekur edhe dy vetura të tjera të parkuara përreth.  Policia menjëherë ka dalë në vendin e ngjarjes,  dhe nga informacionet e para dyshohet që ngjarja të ketë ndodhur rreth orës 03:00 , ndërkohë që  nuk raportohet për të lënduar”, ka deklaruar ai.

Sipas Borovcit, dëmet materiale dyshohet të kenë ardhur si pasojë e shpërthimit të mjetit shpërthyes që dyshohet të jetë granatë dore.

“Aktualisht  policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, ka përfunduar ai.

--------------

Në lagjen “Dardania” në Prishtinë dyshohet se dikush ka hedhur një granatë dore në rrugë.

Ngjarja ka ndodhur në orët e paraditës së sotme. Si pasojë e kësaj, fatmirësisht nuk ka pasur persona të lënduar. Ndërkohë, tri vetura të parkuara që ndodheshin afër, janë dëmtuar.

Në vendin e ngjarjes ka dalë Policia e Kosovës e cila është duke kryer hetimet e nevojshme.

Deri më tash, policia nuk ka dhënë sqarime të tjera për rastin, por pritet që të deklarohet pak më vonë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat