Arrestohet një burrë me 27 kg marihuanë në Prishtinë

Kronikë e zezë

Arrestohet një burrë me 27 kg marihuanë në Prishtinë

Më: 10 gusht 2022 Në ora: 09:00
Foto ilustrim

Policia e Kosovës e ka arrestuar dje në mesditë një burrë në Mramor të Prishtinës, pasi në veturën e tij u gjet dhe u sekuestrua një substancë prej 27 kg e 600 gramësh. PK dyshon se ajo ishte marihuanë.

Siç njofton Policia në raportin 24 orësh, atij i është sekuestruar edhe një veturë me targa vendore, 60 euro dhe 320 dinarë serb.

“Fsh. Mramor, Prishtinë (NN) 09.08.2022 – 12:00. Është arrestuar i dyshuari mashkull  kosovar pasi që në veturën e ti janë gjetur dhe sekuestruar 27 kg e 600 gram substancë,  dyshohet të jetë narkotike e llojit marihuanë, po ashtu është sekuestruar edhe një veturë me targa vendore, 60 € dhe 320 dinar (para të Serbisë)”, njofton Policia.

Në lidhje me rastin është konsultuar prokurori i shtetit me vendim të  cilit i dyshuari është dërguar në mbajtje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat