​Prezantohej si zyrtar i AKP-së, arrestohet për falsifikim dokumentesh

Kronikë e zezë

​Prezantohej si zyrtar i AKP-së, arrestohet për falsifikim dokumentesh

Më: 26 shtator 2022 Në ora: 17:26
Foto ilustrim

Prokuroria Themelore në Prishtinë, pas hetimeve disa mujore, në koordinim me Policinë e Kosovës - Krimet Ekonomike dhe Agjencinë Kosovare të Privatizimit, sot ka arrestuar personin Sh.M., për shkak të dyshimit se ka kryer veprat penale falsifikimi i dokumenteve, mashtrimi dhe prezantimi i rremë si person zyrtar.

Ai dyshohet se me qëllim të përfitimit të dobisë pasurore në mënyrë të kundërligjshme, duke paraqitur dokumente të rrejshme dhe duke përdorur nënshkrimin e personit zyrtar të AKP-së, kinse si person zyrtar i autorizuar nga kjo Agjenci, nga 2019-2022, ka bërë shitjen e aseteve që ndodhen në Bosnje e Hercegovinë dhe në Malin e Zi, ku me këto veprime i dyshuari ka kryer veprat penale të lartcekura.

I dyshuari ndodhet nën masën e ndalimit prej 48 orësh, derisa ndaj të njëjtit prokurori i çështjes do t’i ndërmerr veprimet e mëtejme ligjore.

Po ashtu, në këtë është çështje penale me urdhër të prokurorit është sekuestruar një veturë, një telefon, para në vlerë prej 900 euro dhe prova të tjera të cilat do të shërbejnë në procedurë.

Prokuroria në koordinim të plotë me institucionet e tjera relevante janë duke i ndërmarrë të gjitha veprimet hetimore për zbardhjen e plotë të rastit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat