Një qytetar nga Prishtina është ankuar të martën në Policinë e Kosovës se ka rënë pre e një mashtrimi nga një grua e huaj në rrjete sociale.
Sipas njoftimit të Policisë së Kosovës, burri ka raportuar se i ka dhënë para gruas pasi ajo i kishte thënë se do t’i dërgojë të holla për investime në Kosovë.
Ai është ankuar se gruaja e huaj ishte prezantuar si zyrtare.
“Më 31.01.2023 viktima mashkull kosovar ka njoftuar se përmes rrjetit social është njoftuar me të dyshuarën femër (e huaj), e cila ishte prezantuar si zyrtare, dhe e njëjta i kishte thënë se një shumë të hollash do t’i dërgojë për investime në Kosovë dhe duke e mashtruar i ka kërkuar viktimës të holla i cili i ka dërguar asaj një shumë të konsiderueshme të hollash”, thuhet në raportin e Policisë të mërkurën.
