Plagoset me armë një 33 vjeçar në Gjilan, Policia arreston të dyshuarin

Kronikë

Plagoset me armë një 33 vjeçar në Gjilan, Policia arreston të dyshuarin

Më: 24 dhjetor 2023 Në ora: 18:22
Ilustrim

Një plagosje me armë zjarri ka ndodhur sot rreth orës 13:10, në fshatin Gadish të Gjilanit.

Nga të shtënat me armë ka mbetur i plagosur një 33-vjeçar.

Lajmin e ka konfirmuar edhe Policia në Gjilan, e cila ka zbuluar se për rastin është ndaluar i dyshuari.

Po ashtu është konfiskuar edhe një armë e zjarrit, e cila dyshohet se është përdorur në rast.

“Njësiti i hetimeve të përgjithshme në Gjilan në koodrinim me prokurorin e shtetit janë duke punuar në ndriçimin dhe sqarimin e rrethanave të rastit”, thuhet në njoftimin e Policisë.

Viktima tash është duke u trajtuar në qendrën emergjente të spitalit rajonal në Gjilan, dhe sipas mjekut kujdestar është jashtë rrezikut për jetë.

comment Për komente lëvizni më poshtë
Më të lexuarat
Sot mund të lexoni Shfletoni kopertinat