Policia e Kosovës ka bërë të ditur për një rast të dhunës në familje në Pejë, ku një person dyshohet se në ndikim të alkoolit dhe substancave narkotike, ka kanosur prindin e tij.
Rasti ka ndodhur të premten në ora 21:30 në Pejë.
“Raportohet se i dyshuari mashkull kosovar, nën ndikim të alkoolit dhe substancave narkotike, ka kanosur prindin e tij. Sipas viktimës, i dyshuari edhe ka shtënë me armë zjarri në brendi të shtëpisë dhe një here jashtë shtëpisë dhe është larguar në drejtim të panjohur”, thuhet në raport.
Në vendin e ngjarjes janë gjetur dhe konfiskuar dy gëzhoja dhe një predhe e fishekut. Nuk raportohet për të lënduar.
Lidhur me rastin është njoftuar prokurori.
