Drejtoria Rajonale e Policisë në Gjilan u bën thirrje qytetarëve, veçanërisht përdoruesve të trotinetëve elektrikë, të respektojnë rregullat e komunikacionit dhe të tregojnë kujdes të shtuar gjatë përdorimit të këtyre mjeteve në hapësira publike.
Policia thekson rëndësinë e përdorimit të helmetës mbrojtëse, respektimit të shenjave të trafikut dhe shmangies së drejtimit në trotuare të ngushta për të mbrojtur këmbësorët. Gjithashtu, përdorimi i trotinetëve nga më shumë se një person njëkohësisht është i ndaluar.
Përdoruesit duhet të ruajnë shpejtësinë e lejuar, të shmangin përdorimin e telefonit gjatë drejtimit dhe të sigurohen që të jenë të dukshëm gjatë natës përmes ndriçimit dhe reflektuesve.
Policia rikujton se drejtuesit e trotinetëve janë pjesëmarrës të barabartë në trafik dhe duhet të zbatojnë ligjin për Rregullat e Trafikut Rrugor.
