Kanoset një zyrtar policor, arrestohet i dyshuari në Rahovec

Kronikë

Kanoset një zyrtar policor, arrestohet i dyshuari në Rahovec

Më: 4 shtator 2025 Në ora: 10:23
Foto ilustrim

Një person është arrestuar nën dyshimin se ka kanosur një zyrtar policor në Rahovec.

Sipas Policisë së Kosovës, kanosja ka ndodhur në shenjë revolte pasi të dyshuarit i është shqiptuar një tiketë për kundërvajtje në trafik.

Policia, këtë rast e ka cilësuar ‘kanosje ndaj personit zyrtar’.

“Rahovec / 03.09.2025 – 15:00. Është arrestuar i dyshuari mashkull kosovar për shkak se në shenjë revolte pasi i kishte shqiptuar tiketë për kundërvajtje në trafik ka kanosur zyrtarin policor në stacion policor”, thuhet në raportin 24 orësh të Policisë së Kosovës.

Sipas policisë me vendim të prokurorit i dyshuari pas intervistimit është dërguar në mbajtje.

comment Për komente lëvizni më poshtë
Më të lexuarat
Sot mund të lexoni Shfletoni kopertinat