Një i mitur është shoqëruar në Policinë e Kosovës pasi që është hasur duke mbajtur një bluzë me mbishkrimin “Xhandarmëria Serbe” në veri të Kosovës.
Shefi i planifikimit në kuadër të operativit, Erduan Baliqi, ka konfirmuar për KosovaPress se i mituri është shoqëruar në stacionin policor dhe ndaj tij është shqiptuar një gjobë në vlerë prej 300 eurosh.
“Në pjesën e pasme ka shënuar ‘Xhandarmëria Serbe’, ku i njëjti është shoqëruar në stacionin policor dhe ndaj tij është shqiptuar një gjobë prej 300 euro për prishje të rendit dhe qetësisë publike,” ka thënë Baliqi.
Pas shqiptimit të gjobës, i mituri është liruar.
