Hetuesit e Stacionit Policor, pas hetimeve të zhvilluara kanë arrestuar një person të dyshuar pasi që i njëjti dyshohet se sot në Vushtrri ka shtënë me armë zjarri në ajër, raporton KosovaPress.
Në njoftim thuhet se në cilësi të provës materiale është sekuestruar arma e llojit pistoletë e cila dyshohet se ishte përdorur nga i dyshuari.
Pas intervistimit ndaj tij është iniciuar rasti për veprën penale përdorim i armës dhe mbajtje në pronësi kontroll, posedim të paautorizuar te armëve.
Me aktvendim të prokurorit të dyshuarit i është caktuar masa e ndalimit për 48 orë.
