Zoti të bekoftë, o zemër luani

Kultura

Zoti të bekoftë, o zemër luani

Nga: Zymer Mehani Më: 15 prill 2021 Në ora: 10:17
Ali Sylejmani

Me zjarr dashurie për Tokën Arbërore

Seç rrah zemra jote si e kohës orë

Veprove si rrezet e ngrohta pranverore

Ishe i fortë si shkrepi , kodriçe, bregore

 

Sytë e tu plot zjarr nga pesha e mallit

Për gjuhën tonë shqipe, flamurin e shenjtë

Në mërgim ndriçove porsi xixa e strallit

Për vendlindjen tonë, Kosovën e shtrenjtë

 

Sytë kah Abetarja- dritare e jetës

Prore Luftëtar veç i së vërtetës

Për Kosovën trime, kënga kurrë s’t’u ndal

Kurrë s’e ndale hapin për një ideal

 

Kush mund t’i njohë gëzimet, hidhërimet e tua

Kur n’qiell të atdheut, n’atë kohë të trazuar

U bënë retë sterë-sterë, gjithçka seç u nxi

Çerdhen e Shqiponjës don ta prish një sprijë

 

Ti o bir shqiptari nga Gërmova trime

Shpesh na pate thënë në tuajat mësime:

-Kosova është dhembja, është vetë plaga jonë

Ujku ndërron qimen, nuk ndërron zakon

 

Pishtar i arsimit, i dijes, qytetërimit

Nga zemërimi, mllefi, ia mësyve mërgimit

Se nga lapsi yt, nga tuajat fletore

Frikoheshin hijenat dhe bishat gjaksore

 

Nga urrejtja e thellë, pse ishe pishtar

Dhe pse i edukoje fëmijët shqiptarë

Regjimi n’fuqi shtigje e rrugë të mbylli

Se i këndoje Flamurit , gjuhës si bilbili

 

N’t’largëtën Gjermani, në atë vend të bekuar

Prore bashkëpunove, heu qofsh i uruar

Ndërtove t’miqsisë ura bashkëpunimi

Ta njohu meritën i tërë rruzullimi

 

Për t’ atdheut liri rende anembanë

I bashkove njerëzit, mërgimtarët tanë

Për interes t’kombit dhe t’emrit shqiptar

Derdhe mund e djersë, diamant e ar

 

Për vëllezërit n’ atdhe gjithmonë dorën zgjate

N’të turbulltën kohë prej asaj shtrëngate

I ndihmove njerëzit, vëllezërit e gjakut tonë

Zoti t’dhashtë bekimin, sot e përgjithmonë

 

Ali Sylejmani i Gërmov’s t’Vitisë

Bir i Kosovës trime e i tërë shqiptarisë

N’ Marsin e ’81-shit me shokë është përpjekë

Nisi demostratën në t’studentëve drekë

 

Ish-Jugosllavisë i tha me zë të lartë:

-Kurrë perandori s’do t’jesh për shqiptar’t

Gjithmonë kontribuoi për çështjen kombëtare

E ndihmoi dhe luftën, Ushtrinë Çlirimtare

 

Bir i denjë i kombit, Ali Sylejmani

Zoti të bekoftë, o zemër luani!

Shfaq komentet
comments powered by Disqus
Sot mund të lexoni Shfletoni kopertinat