U bëfsh drita e Dardanisë!

Kultura

U bëfsh drita e Dardanisë!

Emine S. Hoti Nga Emine S. Hoti Më 12 nëntor 2026 Në ora: 12:28
Fotoilustrim

O bir, gjumë të ëmbël,

o i miri, i bukuri dheut,

pafsh ëndrra të bukura,

me Teutën e Skënderbeun.

Bëhu i ditur edhe trim,

punëtor dhe atdhetar,

Dardania të lulëzojë,

të na bësh ne krenar.

Vitet shpejt do kalojnë,

ti do rritesh si shqiponjë,

nënë e babë do gëzosh,

do nderosh flamurin tonë,

Po të na vijë armik te pragu,

për atdheun do të luftosh,

trim i madh si baca Ademi,

atdheun do ta mbrosh.

O i miri, i bukuri dheut,

fjalë zemre të kam qëndis,

zoti i madh ty të bekoi,

u bëfsh drita e Dardanisë.

Sot mund të lexoni Shfletoni kopertinat