Në rrebeshin e plumbave të armikut,
në malet e Prekorupës,
madje në gjithë Kosovën,
në kushte shumë të rënda, të paimagjinueshme shëndetësore,
shpëtoi jetë të shumë fëmijëve
dhe të nënave të Kosovës.
Heroina – Sanije Desku,
një motër medicinale,
me profesionin e saj human,
në kohë kur ushtria dhe policia
serbe kishin shkulur me forcë dhe terror
popullsinë shqiptare nga vatrat e tyre,
në malet e Kosovës,
Heroina – Sanije Desku,
shpëtoi jetë të mijëra nënave dhe fëmijëve
gjatë lindjeve në malet e Kosovës.
Heroina – Sanije Desku,
në kujtesën e kombit
dhe në përgjithësi të qytetarëve të Kosovës,
do të mbetet përgjithmonë
simbol i humanizmit
dhe i lirisë së Kosovës.