Sot bëhen 28 vjet nga rënia e heronjve Afrim Zhitia dhe Fahri Fazliu.
28 vite më parë në Lagjen Bregu i Diellit në Prishtinë, në luftime të pabarabarta ranë heroikisht Afrim Zhitia dhe Fahri Fazliu, pas një rezistence disa orëshe ndaj një rrethimi të hekurt të policisë dhe ushtrisë serbo-jugosllave.
Për të nderuar heronjtë, sot do të bëhen homazhe:
Në orën 11:00, në fshatin Llugë të Besianës homazhe mbahen te obilesku i heroit të kombit Afrim Zhitia, ndërsa, në orën 12:00, në fshatin Llaushë të kësaj komune, te varri i heroit të kombit Fahri Fazliu.
Po ashtu, më 2 nëntor, në orën 14:00 bëhen homazhe në lagjen Kodra e Diellit në Prishtinë, tek vendi ku para 28 vjetësh heronjtë e kombit shqiptar ranë në një ballafaqim të drejtpërdrejtë kundër forcave policore ushtarake serbo-jugosllav .
Vepra dhe sakrifica e heronjve kombëtarë do të jetë shembull dhe inspirim për gjeneratat e tashme dhe të ardhme se për kauzën e drejtë ia vlen të sakrifikohet edhe më e shtrenjta, gjaku dhe jeta. Sakrifica e tyre për këtë kauzë sidomos duhet të vlejë për politikanët e të gjitha trojeve etnike shqiptare, të cilët së paku duhet ta sakrifikojnë karrierën politike, në mënyrë që ideali i heronjve kombëtarë të jetësohet ashtu si e deshën dëshmorët e kombit.
