Hamza thotë se po punon të fitojë qysh në raundin e parë në Mitrovicë

Mitrovica

Hamza thotë se po punon të fitojë qysh në raundin e parë në Mitrovicë

Më: 4 gusht 2021 Në ora: 17:29
Bedri Hamza, Memli Krasniqi

Kandidati për kryetar të Mitrovicës nga radhët e Partisë Demokratike të Kosovës, Bedri Hamza ka thënë se po punon fuqishëm për të fituar qysh në raundin e parë në zgjedhjet lokale.

Ai ka thënë se ka një ekip të jashtëzakonshëm me djem e vajza të reja të kualifikuar dhe një kombinim të moshave, gjinive e profesioneve të ndryshme.

“Listën e kemi në fazën finale. Lista do të jetë reprezentative me njerëz profesional, të pastër dhe asnjë në listë nuk do të ketë vend që ka pas çfarëdo probleme ligjore”, ka thënë Hamza.

Më tutje, Hamza thotë se do t’ua ofroj qytetarëve të Mitrovicës një program shumë të mirë, racional, të afatizuar.

Ai është zotuar se do të bëjë një fushatë shumë korrekte dhe dinjitoze.

Deputeti i PDK-së ka shprehur respekt për të gjithë kandidatët në garë për kryetar të Mitrovicës.

Lidhja Demokratike e Kosovës e ka kandiduar Armend Agollin për kryetar të kësaj komune.

Në anën tjetër, Agim Bahtiri ka thënë se do të jetë sërish në garë për të parin e këtij qyteti, por që ende nuk është zyrtarizuar nga Lëvizja Vetëvendosje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat