Drejtoria e Inspekcionit ngrit kallëzim penal ndaj kompanisë e cila shtroi asfalt mbi parkun e qytetit në Mitrovicë

Mitrovica

Drejtoria e Inspekcionit ngrit kallëzim penal ndaj kompanisë e cila shtroi asfalt mbi parkun e qytetit në Mitrovicë

Më: 27 tetor 2021 Në ora: 16:39
Ilustrim

Lidhur me asfaltin e vendosur mbi parkun e qytetit në Mitrovicë, Drejtoria e Inspekcionit njofton qytetarët se Inspektorët komunal posa kanë marrë informatën për fillimin e punimeve në atë pjesë, ditën e dielën menjëherë kanë dalë në vendin e ngjarjes së bashku me Policinë.

Drejtoria e Inspekcionit për çështjen e lartpërmendur bën të ditur se kompania ka poseduar leje vetëm për vendosjen e gypave të ujit dhe të kanalizimit në atë pjesë të parkut.

“Të dielën, kur kemi pa që po tenton të shtroj rrugë, inspektorët përgjegjës e kanë bllokuar punën duke vendosur shiritat.

Mirëpo kompania e ka kryer natën asfaltimin. Sot i kemi ngrit kallëzim penal, e do vazhdojmë me procedura tjera që parasheh ligji”, janë shprehur nga Drejtoria e Inspekcionit.

Po ashtu, Drejtoria e Inspekcionit siguron qytetarët që parku do kthehet në gjendjen e mëparshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat