Rastet me Omicron në Mitrovicë, drejtoresha e Spitalit flet për gjendjen e të infektuarve

Mitrovica

Rastet me Omicron në Mitrovicë, drejtoresha e Spitalit flet për gjendjen e të infektuarve

Më: 27 dhjetor 2021 Në ora: 23:52
Ilustrim

Të dielën në Kosovë zyrtarisht janë regjistruar nëntë rastet e para të infektimit me variantin “Omicron” të koronavirusit.

Katër nga këta të infektuar janë nga Mitrovica.

Drejtoresha e Spitalit të Mitrovicës, Luljeta Zhubi tha se të gjithë këta persona po trajtohen në shtëpi.

Sipas Zhubit gjendja e tyre është stabile.

Ndërkohë për qytetarët e Mitrovicës masat janë duke e zbatuar jo kënaqshëm, derisa flasin edhe për variantin Omicron.

“Ky variant paraqet rrezikshëmri pavarësisht se në Kosovë tek tash ka filluar, por ne duhet t’u përmbahemi rregullave. Ajo që është më me rëndësi është të vaksinohen”, shprehet qytetari Zahir Musa.

Një tjetër qytetar fajin e lë te shteti që ka lejuar të futen në Kosovë persona me variantin e tillë të virusit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat