Sulmohet një infermier i Spitalit të Mitrovicës nga pesë persona

Mitrovica

Sulmohet një infermier i Spitalit të Mitrovicës nga pesë persona

Më: 5 dhjetor 2022 Në ora: 12:15
Spitali i Përgjithshëm i Mitrovicës “Dr. Sami Haxhibeqiri”

Një infermier në Spitalin e Përgjithshëm të Mitrovicës “Dr. Sami Haxhibeqiri”, është sulmuar mëngjesin e sotëm nga pesë persona.

Në reagimin e Spitalit të Mitrovicës, thuhet se personat që e kanë sulmuar fizikisht infermierin F.M, kanë qenë në ndikim të alkoolit.

Rasti thuhet se ka ndodhur rreth orës 03:20 të mëngjesit në Shërbimin e Emergjencës.

“Në oborrin e Spitalit kanë ardhur 5 qytetar të cilët kanë qenë nën ndikim të alkoolit dhe kanë kërkuar nga infermieri që të dal jashtë objektit te Spitalit për ti dhënë shërbim pacientit, ku, infermieri ka refuzuar dhe ka thënë qe pacienti duhet të sillet në repart qe paraprakisht të kontrollohet nga doktori kujdestar. Pas refuzimit te infermierit për të dal jashtë objektit ai është sulmuar fizikisht”, thuhet në reagim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat