Gjatë këtyre ditëve është marrë një aksion për largimin e disa deponive ilegale në Mitrovicë.
Drejtori i Drejtorisë për Mbrojtje të Mjedisit në Komunën e Mitrovicës, Egzon Sadiku, ka thënë se ky aksion është marrë në bashkëpunim me Kompaninë Rajonale të Mirëmbajtjes “Uniteti”.
“Këto ditë, në bashkëpunim me KRM ‘Uniteti’, kemi ndërmarrë një aksion për largimin e disa deponive ilegale në pjesë të ndryshme të Mitrovicës”, thuhet në njoftim.
Sadiku është shprehur se janë të përkushtuar për një qytet më të pastër për të gjithë qytetarët.
